Б.Жавхлан: Үндэсний баялгийн сангийн иргэдэд хүртэх өгөөжийг нэмэгдүүлнэ

Монгол Улсын Засгийн газар Монгол Улсыг 2026-2030 онд хөгжүүлэх таван жилийн үндсэн чиглэлийг боловсруулсан талаараа олон нийтэд танилцууллаа. Сангийн яамны хэрэгжүүлэх онцлох арга хэмжээнүүдээс Сангийн сайд Б.Жавхлан сэтгүүлчдийн сонирхсон асуултад хариуллаа.

 

- Үндэсний баялгийн баялгийн сангийн хуримтлалыг 2030 онд 21.6 их наяд төгрөгт, хөгжлийн сангийн хуримтлалыг 200 тэрбум төгрөгт тус тус хүргэж үндэсний баялгийн сангийн иргэдэд хүрэх өгөөжийг нэмэгдүүлнэ.

 

- 2030 онд Засгийн газрын нийт өрийн ДНБ-д эзлэх хувийг 45 хувь, төсвийн урсгал зардлын ДНБ-д эзлэх хувийг 22 хувь, төсвийн нийт зардлын ДНБ-д эзлэх хувийг 26 хувь хүртэл тус тус бууруулна

 

- Татварын ачааллыг бууруулах, татвар төлөгчдөд үзүүлэх үйлчилгээний чанарыг сайжруулах,

 

-Гадаадын шууд хөрөнгө оруулалтыг 2030 онд 6.6 тэрбум ам долларт хүргэж 1.5 дахин өсгөх, чөлөөт бүс дэх аж ахуйн нэгжийн тоог 2030 онд 250-д хүргэж 5 дахин нэмэгдүүлэх,

 

- Идэвхтэй ажиллагаyатай боомтын тоог 2030 онд 28-д хүргэхээр тус тус тусгасныг Сангийн сайд Б.Жавхлан илэрхийлэв.