НЭМҮТ шинэ жилийн баяр тэмдэглэхгүй

Монгол Улсын хэмжээнд А(H3N2) хэв шинжийн вирүсээр үүсгэгдсэн томуугийн тархалт нэмэгдэж, бүх насны хүмүүс, ялангуяа бага насны хүүхэд зонхилон өвдөж буй.

Үүнтэй холбогдуулан Нийгмийн эрүүл мэндийн үндэсний төв Шинэ жилийн баяр болон нийтийг хамарсан баяр ёслол, спорт, соёл, урлагийн арга хэмжээ зохион байгуулахгүй болсноо мэдэгдлээ.

Мөн төрийн болон хувийн хэвшлийн бүх аж ахуйн нэгж, байгууллагуудыг олныг хамруулсан үйл ажиллагаа зохион байгуулахгүй байхыг уриаллаа.