"Сайн үйлсэд зориулаарай" гэсэн бичигтэй дугтуйтай бэлэн мөнгө олжээ

Инчон хотод нэрээ нууцалсан хандивлагч "Сайн үйлсэд зориулаарай" гэсэн бичигтэй дугтуйтай бэлэн мөнгө үлдээжээ.

Инчон хотын Тамгын газрын гол хаалганаас 1.01 сая вонтой гялгар уут олдсон байна. Уутны дотор 20 ширхэг 50,000 воны дэвсгэрт, нэг ширхэг 10,000 воны дэвсгэрт байжээ. Дугтуйнд "Жижигхэн ч гэсэн сайн үйлсэд зориулаарай" гэж бичсэн байжээ.

Дугтуйг хаалганы бариул дээр өлгөөтэй гялгар уутнаас олжээ. Цэвэрлэгээний ажилтан үүнийг олж, цагдаад хүлээлгэн өгснөөр нэрээ нууцалсан хандивлагчийн сайн үйлсийг мэдүүлжээ.

Ганхва муж Солонгосын Олон нийтийн сан болон бусад байгууллагуудаар дамжуулан тусламж хэрэгтэй хүмүүст туслахаар төлөвлөж байгаа аж. 

Тамгын газрын албан тушаалтан "Хөршүүдээ нэгдүгээрт тавих халуун сэтгэл нь гүн гүнзгий сэтгэл хөдөлгөм байна. Бид хандивлагчийн хүслийн дагуу хандивыг утга учиртайгаар ашиглах болно" гэж мэдэгджээ.

Саяхнаас Инчон хотод хандив өргөх нь огцом нэмэгдэж, хандивлагчийн нэрийг зарлалгүйгээр төрийн байгууллагуудад бэлэн мөнгийг хүлээлгэн өгч байгаа ажээ. Энэ сарын 6-нд Намдун-гу дахь Захиргааны халамжийн төвд нэрээ нууцалсан нэгэн иргэн 500,000 воны бэлэн мөнгө хандивлаж, эмзэг бүлгийн хүмүүст зориулахыг хүссэн байна. Өнгөрсөн сард Согун-гу дахь хоёр оршин суугч нэрээ нууцалсан байдлаар тус тус 5 сая вон, 1 сая вон хандивласан байна.