Солонгост бордооны үйлдвэрт ажиллаж байсан Монгол эмэгтэй өндрөөс унаж амиа алджээ

Солонгосын Өмнөд Жоллагийн Нажу хотын гал түймэртэй тэмцэх газрын эх сурвалжийн мэдээлснээр, 21-ний өдрийн өглөөний 11:19 цагийн орчимд Нажу хотын Донгган-мён дахь бордооны үйлдвэрт Монголоос ирсэн 40 орчим насны эмэгтэй ажилчин 4 метрийн өндрөөс унаж амиа алджээ.

Ослын улмаас толгой болон биеийн бусад хэсэгтээ хүнд гэмтэл авч эмнэлэгт хүргэгдсэн боловч хүнд гэмтлийн улмаас өөд болжээ. Хэргийг орон нутгийн цагдаагийн газраас шалгалт явуулж байгаа ажээ.