16 настай охиныг хөнөөсөн хэргийн шүүх хурал өнөөдөр болно

Чингэлтэй дүүргийн 20 дугаар хороонд оршин суух 20 настай эрэгтэй Ц.Дагвадорж гэгч нь 16, 32 настай эмэгтэйг хөнөөсөн байж болзошгүй хэрэгт яллагдагчаар татагдсан. Ц.Дагвадорж нь 16 настай охины амь насыг хөнөөхдөө Э.Номин-Эрдэнэ, Э.Ган-Эрдэнэ нартай хамт байсан бөгөөд тэднийг тус хэргийн хамжигч хэмээн үзэж хорьсон юм. Мөн тус хэрэгт хамсаатан 16 настай Х.Энхсайханд хилийн хориг тавиад байсан юм.

Өнгөрсөн хугацаанд тухайн хэрэг дээр хоёр удаа урьдчилсан хэлэлцүүлэг өрнүүлсэн. Харин өнөөдөр /2025.01.22/ Баянгол, Сонгинохайрхан, Хан-Уул дүүргийн эрүүгийн хэргийн анхан шатны тойргийн шүүхэд гэм буруугийн шүүх хурал болох юм. Мөн шүүх хурал хаалттай болох юм.

Тус хэрэг Хан-Уул дүүргийн хоёрдугаар хорооны нутаг дэвсгэрт 2024 оны зургаадугаар 20-21-нд шилжих шөнө гарсан. Хууль хяналтын байгууллагаас 1 жил гаруй хугацаанд хэргийг шалгасан юм.