Солонгост согтуугаар цагдаагийн ажилтанд халдсан хэргээр монгол эрийг саатуулжээ

Сөүлийн Жунгнан цагдаагийн хэлтэс 20 орчим насны "А" гэгч монгол эрийг албан ёсны үүрэгт ажилдаа саад учруулсан хэргээр саатуулжээ. Түүнийг өнгөрсөн баасан гарагт шөнийн 1:30 цагийн орчимд Сөүлийн Жунгнан-гу дүүргийн нэгэн гудамжинд цагдаагийн ажилтны нүүр рүү хоёр удаа цохисон хэрэгт буруутгаж байгаа аж.

Цагдаа нар "зам дээр согтуу хүн хэвтэж байна" гэсэн мэдээллийн дагуу арга хэмжээ авч, А-тай ярилцахад тэрээр цагдааг харааж зүхэж, дайрч байсан нь тогтоогджээ.

Тэрбээр "Би санахгүй согтуу байсан" гэж мэдүүлжээ. Цагдаа нар хэргийн яг нөхцөл байдлыг мөрдөн шалгаж байгаа бөгөөд баривчлах захирамж гаргахаар төлөвлөжээ.