Оршуулах ёслолын зоог барьж буйг ресторан гэж жуулчид андуурчээ

Бангкок Пост сонинд мэдээлснээр, өнгөрсөн сарын 31-нд Тайландын өмнөд хэсэгт орших Накхон Си Таммарат хотод болсон уламжлалт Тайландын оршуулгын ёслолын үеэр хоёр Герман жуулчин оршуулгын зоог дээр орж иржээ.

Оршуулгын ёслолд оролцогч Чаранторн Чареомкиад тэднийг хараад ярилцахаар ойртоход жуулчид "Энэ хоолны газар мөн үү?" гэж асуужээ. Чаранторн тэдэнд оршуулгын газар гэж хэлэхэд тэд маш их ичиж, уучлалт гуйсаар л байсан" гэж дурсжээ. Гэсэн хэдий ч гашуудаж буй гэр бүл тэднийг халуун дотноор угтан авч, хамт суугаад хооллохыг урьсан байна. Талийгаачийн эгч тэдэнд мөстэй сүү зэрэг хоол өгч дайлжээ. 

Хоёр хоногийн дараа мөн адил газарт болсон өөр нэг оршуулгын үеэр гурван Голланд жуулчин орж ирээд суужээ. Тэд "Танай ресторанд коктейлиор үйлчилдэг үү?" гэж асуугаад захиалга өгөхийг хүсэж байгаагаа илэрхийлжээ. Тухайн үед оршуулгын газар хүн ихтэй байсан ч гашуудаж буй гэр бүл тэдэнд баяртайгаар хоол өгчээ. 

Уг бичлэг Фэйсбүүк дээр байршуулснаар дэлхий даяар тархжээ.

Сэтгэгдлүүд нь "Тайландын оршуулгын хоол маш элбэг тул та үүнийг ресторантай андуурч болно", "Тайчууд урилгагүй гадаадын иргэдийг ч хэрхэн угтан авч байгаа нь гайхалтай", "Миний оршуулга ийм дулаахан байсан ч болоосой" гэх мэт сэтгэгдлүүдийг бичиж үлдээжээ.