Ёс зүйгүй М.Нарантуяа-Нара гишүүн Ёс зүй, дэгийн байнгын хороогоор гурав дахиа орох уу

УИХ-ын гишүүн М.Нарантуяа-Нарагийн гэрт хулгай орсон талаар тэрбээр өөрийн цахим хуудсаар дамжуулан видео бичлэг хийн олон нийтийн сүлжээнд байршуулсан. Тэгвэл уг асуудлыг цагдаагийн байгууллага гэмт хэргийн бүртгэлд авч, өчигдөр (2026.02.22) хэргийн газарт үзлэг хийж дуусжээ. Улмаар мөрдөн шалгах ажиллагаа явагдаж байгаа юм.

Дээрх асуудлын талаар тэрбээр олон нийтийн сүлжээнд бүдүүлэг үг хэрэглэж, ёс зүйгүй үйлдэл гаргаж буйтай холбогдуулан УИХ-ын гишүүнээс эгүүлэн татах асуудал хүртэл яригдаж буй. Тэгвэл УИХ-ын гишүүн дараах ёс зүйн хэм хэмжээ, шаардлагыг дагаж мөрдөх ёстой аж. 

Үүнд:

Гишүүний ёс зүйн хэм хэмжээ

2.1.Гишүүн ард түмнийхээ элчийн хувьд бүрэн эрхийнхээ хугацаанд дараах ёс зүйн хэм хэмжээг сахин мөрдөнө:

2.1.1.нийт иргэн, улсын ашиг сонирхлыг эрхэмлэх;

2.1.2.төрт ёс, түүх, соёлынхоо уламжлалыг хүндэтгэх;

2.1.3.Үндсэн хууль, хууль ёсыг дээдлэн сахиж биелүүлэх;

2.1.5.биеэ авч явах, шударга байдлаараа үлгэр дуурайл үзүүлэх,

Гишүүн бүрэн эрхээ хэрэгжүүлэхдээ баримтлах ёс зүйн шаардлага

3.1.Гишүүн ард түмний элчийн хувьд нийт иргэн, улсын эрх ашгийг эрхэмлэн, төрт ёс, түүх соёлынхоо уламжлалаа дээдлэн ажиллана.

3.2.Бусдын нэр төр, алдар хүнд, эрх, хууль ёсны ашиг сонирхлыг эрхэмлэн, хүндэтгэлтэй хандах, бусдыг гэмт хэрэгт холбогдуулан гүтгэх, доромжлохыг цээрлэнэ.

3.8.Гишүүн үзэл бодол, байр сууриа илэрхийлэхдээ албан ёсны эх сурвалжийг баримтлах ба олон нийтийг төөрөгдүүлэх, үндэслэлгүй мэдээлэл хийхийг хориглоно.

3.9.Гишүүн бүрэн эрхээ хэрэгжүүлэхдээ хувийн ашиг сонирхлоор хэн нэг хүн, хэсэг бүлэг хүмүүс, байгууллага, аж ахуйн нэгжийн үйл ажиллагааг дэмжихийг хориглоно.

Ташрамд, УИХ-ын гишүүн М.Нарантуяа-Нара нь энэ парламентын хугацаанд Ёс зүй, дэгийн байнгын хороогоор хоёр удаа орсон анхны гишүүн юм.