Э.Батшугар: Эмнэлэгт үзүүлэхдээ дэвтэр, рентген зураг бариад явдгийг болиулна

Эрүүл мэндийн сайд Э.Батшугар цаашид хэрхэн ажиллах тухайгаа хэвлэлд ярилаа. 

Тэрбээр "Сүүлийн дөрөв хоног даатгалын асуудал дээр өдөр шөнөгүй суулаа. 2.4 их наядын том систем байна. 700 бүлэг оношийн 15,000 өвчнийг даатгаж 669 төрлийн хөнгөлөлттэй эм олгодог юм байна. Энэ бүхнийг иргэдэд хэрхэн зөв хуваарилах нь хамгийн том асуудал.

Хаана алдаа гарч, шүүрээд байгааг судалж, excel дээр компьютерээ гацтал ажиллаж байна. Цахимжуулж, хяналтыг сайжруулах нэн шаардлагатай.

Иргэд эмнэлэгт үзүүлэхдээ стори гээд дэвтэр, рентген зургаа бариад явдаг. Тэрийг нэг мөр болиулна. Мөн эмнэлгийн оочерийг зохицуулах боломжтой гэж харж байна" хэмээн хэллээ.