Э.Батшугар сайдын “шинэ туслах” 2 сая төгрөг

Эрүүл мэндийн сайд Э.Батшугарын нүдний шил нь сүүлийн үеийн Even Realities G1 загварын AI буюу хиймэл оюун ухаан бүхий ухаалаг шил ажээ.

Энэ нь Ерөнхий сайд асан Г.Занданшатарын зүүж байсан Ray-Ban Meta-аас юугаараа ялгаатай вэ гэвэл камер, чанга яригч байхгүй, харин линз дотор нь monochrome (ногоон өнгөтэй) текст, мэдээлэл харуулдаг жижиг дэлгэц суулгасан байдаг байна.

Үүний тусламжтайгаар илтгэл тавих, ярилцлага өгөх үед гол утга санаа, текстүүдийг нь шууд шилний линз дээр текст хэлбэрээр харуулдаг байна.

Үндсэн функцууд:

-Notifications — Гар утасны мэдэгдэл, мессеж, имэйл гэх мэт нь шууд нүдний өмнө гарч ирнэ (утсаа гаргаж харах шаардлагагүй).

-Teleprompter — Яриа, илтгэл уншихад маш тохиромжтой.

-Real-time Translation — 15+ хэл дээр шууд орчуулга хийнэ (текстээр).

-Navigation — Turn-by-turn зам заагч (Google Maps гэх мэттэй холбогдоно).

-Transcription — Яриаг бичгээр хөрвүүлэх.

-AI Assistant — ChatGPT-тэй холбогдож асуулт асууж, хариулт авах боломжтой.

-Tilt to wake — Толгойгоо бага зэрэг өндийлгөхөд дэлгэц идэвхждэг.

Үндсэн үнэ: $599 (ойролцоогоор 2 сая төгрөг орчим, валютын ханшаас хамаарна).

Сайн тал:
-Маш тав тухтай, өдөржин зүүж болно.
-Дэлгэц нь тунгалаг, гэрэлтэй газар ч сайн харагдана.
-Privacy өндөр (камер байхгүй).

Сул тал:
-Дэлгэц нь зөвхөн ногоон текст (өнгөтэй зураг, видео байхгүй).
-Translation, navigation заримдаа удаан, төгс бус.
-Bluetooth холболт заримдаа тасалдана (G2 загварт засварласан гэх мэдээлэл бий).

Өөрийнхөө хараанд тааруулж линз авахыг хүсвэл үндсэн үнэ дээр $100 - $150 ам.доллар нэмэгдэж аж. Шилний функцийг удирдахад ашиглагддаг ухаалаг бөгж нь дагалдаж ирдэг байна.