465 бод хулгайлж, 1.2 тэрбум төгрөгийн хохирол учруулсан хэргийг шалгаж байна

Иргэн “Л” 2019 оноос хойш Архангай, Булган, Төв аймгийн нутгаас 40 удаагийн үйлдлээр үхэр, адуу зэрэг 465 тооны бод мал хулгайлж, нядалсан хэргийг цагдаагийн байгууллагаас шалгаж байна.

Мөрдөн шалгах ажиллагааны явцад иргэн “Г” бусадтай бүлэглэн “Эмээлт” зах, “Дэнжийн мянга” зэрэг худалдааны төвд мал, махны ченжээр ажилладаг “С”, “Б”, “Х” нарт мал, махаа худалдан борлуулж, иргэдэд 1.2 тэрбум орчим төгрөгийн хохирол учруулсан болох нь тогтоогджээ.

Дээрх хэргийг Архангай, Булган, Төв аймгийн цагдаагийн газарт шалгаж байгаа юм.