Ерөнхий сайд Н.Учрал БНСУ-ын Ерөнхий сайд Ким Мин Соктой уулзжээ

Ерөнхий сайд Н.Учрал БНСУ-ын Ерөнхий сайд Ким Мин Соктой энэ сарын 23-нд уулзаж, газрын ховор металл, гол ашигт малтмал, эрүүл мэнд, эмнэлгийн тусламж үйлчилгээний салбарт хоёр талын хамтын ажиллагааг өргөжүүлэхээр тохиролцсон байна.

БНСУ-ын Ерөнхий сайдын Тамгын газрын мэдээлснээр, Зуны Дэлхийн Эдийн Засгийн Чуулга уулзалтын жил тутмын уулзалтад оролцохоор Хятадад айлчилж буй БНСУ-ын Ерөнхий сайд Ким Гранд Хаят Далянь зочид буудалд Монгол Улсын Ерөнхий сайд Н.Учралтай уулзалт хийв.

Ерөнхий сайд Ким өнгөрсөн оны есдүгээр сард Тэргүүн шадар сайд бөгөөд Эдийн засгийн хөгжлийн сайдын хувиар Солонгост айлчлах үеэр Ерөнхий сайд Н.Учралтай уулзсан тухайгаа дурдаад “Ерөнхий сайд болсонд тань дахин чин сэтгэлээсээ баяр хүргэе” гэв. Тэбрээр “Ерөнхий сайд Н.Учрал Солонгосын талаар гүнзгий ойлголттой бөгөөд хоёр улсын харилцааг хөгжүүлэх талаар тодорхой алсын хараатай байсан” гэж нэмж хэлээд, Ерөнхий сайд Н.Учралын хийж хэрэгжүүлэх ажил, хоёр орны хамтын ажиллагаанд өндөр хүлээлттэй байгаагаа илэрхийлэв.

Ерөнхий сайд Ким үргэлжлүүлэн “Хоёр улсын хоорондох худалдаа өнгөрсөн жил түүхэн дээд хэмжээнд хүрч, 1990 онд дипломат харилцаа тогтоосноос хойш 250 гаруй дахин өссөн” гэж хэлэв. Тэрбээр “Дэлхийн хангамжийн сүлжээнд тодорхойгүй байдал нэмэгдэж байгаа энэ үед би дэлхийн нөөц баялаг ихтэй 10 орны нэг болох Монголтой хангамжийн сүлжээний хамтын ажиллагааг бэхжүүлэхийг тэсэн ядан хүлээж байна” гэж нэмж хэлэв. Тэрбээр мөн “Солонгос-Монголын газрын ховор металлын хамтын ажиллагааны төв өнгөрсөн оны сүүлээр нээгдсэнийг би ойлгож байна” гэж тэмдэглээд “ирээдүйд энэ төвөөр дамжуулан олон төрлийн янз судалгаа, хамтын ажиллагаа явуулна” гэж найдаж байгаагаа илэрхийлэв.

Ерөнхий сайд Н.Учрал Ерөнхий сайд Кимийг хүлээн авсанд талархал илэрхийлээд "Би Солонгос, Монголын хамтын ажиллагааг өргөжүүлэхийг эрмэлзэх болно" гэж хэлээд, "Хоёр улсын Засгийн газрын хооронд нягт харилцаа холбоогоо үргэлжлүүлье" гэж нэмж хэлэв.

БНСУ-ын Ерөнхий сайдын Тамгын газраас Солонгос, Монголын хоорондох идэвхтэй өндөр түвшний солилцоог өндрөөр үнэлж, газрын ховор металл, гол эрдэс бодис, эрүүл мэнд, эмнэлгийн тусламж үйлчилгээ зэрэг салбарт практик хамтын ажиллагааг хөгжүүлэхийн зэрэгцээ хоёр улсын иргэд хоорондын солилцоог цаашид сэргээхээр тохиролцов. Цаашид худалдаа, хөрөнгө оруулалт, эрчим хүч, уул уурхай, банк санхүү, эрүүл мэнд, цахим шилжилтийн хамтын ажиллагааг урагшлуулахад талаар санал солилцож, хоёр улсын иргэд виз харилцан хөнгөлөх, бусад асуудлаар харилцан ойлголцов гэж мэдэгдэв.