Баруун бүсийн Гал түймрийн улсын хяналтын байцаагч нарын сургалт, дадлагыг зохион байгууллаа

ОБЕГ-ын Гал түймэртэй тэмцэх газраас баруун бүсийн Гал түймрийн улсын хяналтын байцаагч нарын сургалт, дадлагыг тавдугаар сарын 28-31-ний өдрүүдэд Говь-Алтай аймагт зохион байгууллаа.

Сургалтад Говь-Алтай, Ховд, Увс, Завхан, Баян-Өлгий аймгийн Онцгой байдлын газрын Гал түймрийн улсын хяналтын байцаагч болон ахлагч байцаагч нарын 20 орчим алба хаагч хамрагдсан юм.

Гал түймрийн улсын хяналтын нөхцөл байдал, анхаарах асуудал, барилгын зураг төсөл, шинээр батлагдсан хууль, дүрэм, журам, гал түймрийн шалтгаан нөхцлийг тогтоох, шинжээчийн дүгнэлт гаргах сэдвийн хүрээнд онолын болоод дадлага хийж, харилцан туршлага, мэдээлэл солилцлоо.