Ц.Хүсэлбаатар: Оюуны хулгайг өндөр ялтай болгоод өгөөч, Ч.Номин сайд аа

Найруулагч Ц.Хүсэлбаатар Ч.Номин сайдад хандан кино уран бүтээлчдийн эрх ашгийг хамгаалж, хуулиа чангалж өгөхийг хүсжээ. Тэрбээр, 

"Эрхэм Соёлын сайдаа та сайн байна уу? Сайхан өвөлжиж байна уу? Миний энэ бяцхан бичвэрийг эрхэм дүү олж унших эсэхийг эс мэдэх боловч бас ч дэргэдийн зөвлөх хийгээд шадар туслах, албаар эс хүрэх ч анд нөхөд бус хүмүүс хүргэчих буй заа хэмээн горилж өчүүхэн хүмүүн үүнийг товшиж сууна.

Хүмүүс яагаад зураг зурж, баримал бүтээж зохиол бичиж,шүлэг тэрлэж яагаад ая аялгуу тэр бүү хэл концерт симфони хөгжим бичдэг бас яагаад жүжиг кино найруулж бас яагаад тэдгээр зохиолуудад тоглож мөн бүжиглэж дуулж хөгжимддөг вэ?...

Та үүнийг мэдэх үү?...Хамгийн нэгдүгээрт эдгээр хүмүүс бүгдээрээ амьд явж аяга хоол олж идэж,бас хувцаслаж орон байранд амьдрахын тулд гэр бүлээ тэжээхийн тулд энэ ажлыг хийдэг юмаа.Талхчин шиг уурхайчин шиг эмч шиг багш шиг бид бүгд адилхан бусдад хэрэгтэйг бүтээж түүнээ худалдаж цалинжиж амь зуудаг аа.

Гэтэл оюуны өмчийн хулгай хөвөрсөөр бүр хуулиндаа ОЮУНЫ ӨМЧИЙГ ХУЛГАЙЛАХ гэж нэрлээгүй хамгийн их хулгайлагдан бусдад ашиглагддаг алдагддаг тэр чинээгээрээ хийсэн зохиосон хүмүүс нь хохирсоор байдаг.

Ялангуяа КИНО САЛБАР хамгийн их хөрөнгөөр бүтнэ. Хамгийн их хулгайлагдана.

Нэг гэр бүлийн нэг л айлд болоод байгаа 60 минут үргэлжлэх тв д зориулсан бас хүн үзчихээр аятайхан кино бүтээхэд багадаа 100 сая төгрөг үүнийг ай пи тв д байршууллаа орой нь сошиалын бараг бүх сувгаар алдагдаж хийсэн хүмүүс ашиггүй бүр хохиролтой хоцорно.Өрөнд орно. Энийг хэлсээр ярьсаар байтал эрүүгийн хуульдаа уяад өмчийн хулгайн гэмт хэрэг гэж үзээд ялын бодлогыг нь чангалаад өгөх дээр хөөцөлдөөд өгөөч гэж хөөрхий киноныхон хоолойгоо сөөтөл бархирч гуйж байгаа. Энийг та л хөөцөлдөж лоббидож засгийн газар их хурал хууль шүүхийнхнийг шахахгүй юм бол хэн шахаж хэн хөөцөлдөх юм бэ? Үүнийг та л хийхгүй юм бол хэн хийх гэж...

Хохируулсан учруулсан хохирлыг нь уран бүтээлчидэд нь төлүүлдэг шоронд хорьдог хатуу ялын бодлого хэрэгтэй байна үүнийг уран бүтээлчид хүсэж байна.

Бодоод үз эзэнгүй хээр явж байгаа хонин сүрэг бол хэн дуртайн хоол мөн биз бид одоо яг тийм байна. Эрхэм Сайдаа Номион миний дөөө анхааралдаа авч ажил хэрэг болгоод өгөөрэй. За тэгээд үг дайх уран бүтээлчид байх аваас копидож аваад өөрийн санаагаа нэмээд цааш нь шэйрлэн түгээгээд явна буй заа" гэжээ.