Өнөөдөр тэгш дугаартай автомашинд 50 мянган төгрөг хүртэлх шатахуун олгоно

Шатахууны нийлүүлэлтийн хүндрэлтэй холбоотойгоор Аж үйлдвэр, эрдэс баялгийн сайд Г.Дамдинням өчигдөр /2026.08.03/  мэдээлэл хийж, шатахууны хэрэглээг зохицуулах түр арга хэмжээг танилцуулсан билээ. 

Тодруулбал, 2026 оны наймдугаар сарын 4-нөөс 15-ны өдрийг хүртэл автомашинд улсын дугаарын тэгш, сондгойгоор шатахуун түгээх бөгөөд нэг автомашинд нэг удаад 50,000 төгрөгөөс дээш үнийн дүнтэй шатахуун олгохгүй байхаар шийдвэрлэжээ.

Өнөөдөр буюу наймдугаар сарын 4-нд улсын дугаар нь 0, 2, 4, 6, 8 гэсэн тэгш тоогоор төгссөн автомашинууд 50,000 төгрөг хүртэлх шатахуун авах боломжтой.

Хуваарийн дагуу:

• Улсын дугаар нь тэгш тоогоор төгссөн автомашинууд наймдугаар сарын 4, 6, 8, 10, 12, 14-ний өдрүүдэд шатахуун авна.
• Улсын дугаар нь сондгой тоогоор төгссөн автомашинууд наймдугаар сарын 5, 7, 9, 11, 13, 15-ны өдрүүдэд шатахуун авна.

Албаныхан иргэд, жолооч нарыг дээрх хуваарийг мөрдөн шатахуун түгээх станцуудаар үйлчлүүлж, зохицуулалтыг хэвийн хэрэгжүүлэхэд хамтран ажиллахыг уриаллаа.