Галдан Бошгот хааны мэндэлсний 380 жилийн ой ёслол төгөлдөр эхэллээ

Галдан Бошгот хааны мэндэлсний 380 жилийн ой өнөөдөр /2024.08.02/ эхэллээ.

Батлан хамгаалахын сайд С.Бямбацогт "Хамаг Монголоо харь Манжаас хамгаалан тэмцэж, алдар суугаа дуурсгасан Галдан бошгот хааны мэлмий гийсний түүхт 380 жилийн ойн мэнд дэвшүүлье.

Галдан бошгот хааны гавьяа зүтгэл бол монгол туургатнаа харийн түрэмгийлэгчдээс хамгаалан сахьсан бадрангуй их үйлсийн бахархалт гэгээн замнал юм.

“Миний нутгийн газар шорооноос бурхан гуйсан ч бүү өг” хэмээсэн босоо хөх зарлиг монголчууд бидний хэзээд зөрчиж үл болох зүрхэн тарни билээ.

Хувилгаан бошгот хааны маань сүлдэн тэнгэр өнөд ивээх болтугай" хэмээв.