"Н.Өнөрцэцэгийн эдэлж байгаа зовлон бол сүүлийн 8 жил МАН засагласны үр дүн"

Сэтгүүлч Н.Өнөрцэцэгт холбогдох хэргийн давж заалдах шатны шүүх хурал өнөөдөр /2024.11.07/ 10 цагт эхлэн, үргэлжилж байна. Хэвлэл мэдээллийн байгууллагууд шүүх хурлыг гаднаас нь сурвалжилж нөхцөл байдлыг газар дээрээс нь шууд дамжуулж буй. 

Энэ үеэр УИХ-ын гишүүн асан Ц.Оюунгэрэлээс байр сууриа илэрийлэв. Тэрбээр "Хүний маш олон эрх хөндөгдөж байгаа учраас энэ шүүх хурал хүмүүсийн сонирхлыг маш их татаж байна. Улсын нууц гэдэг зүйлийг хадгалах ёстой хүн нь хариуцлага хүлээх үү, мэдээлэл олж авсан хүн нь хариуцлага хүлээх үү гэдэг цэг дээр ирсэн байна. 

Хамгийн гол нь давж заалдах шатны шүүх гэдэг бол анхан шатны шүүхийнхээ процессын алдааг засдаг шүүх. Иймд шүүх процесс маань өөр өөрийгөө засах систем нь ажиллаж байна уу, үгүй юу гэдгийг харъя. 

Өмгөөлөгчгүй шүүсэн алдааг давж заалдах шатны шүүх засаж чадахгүй бол бид коммунизм руугаа буцлаа л гэсэн үг. 

Өнөөдрийн Н.Өнөрцэцэгийн эдэлж байгаа зовлон бол сүүлийн 8 жил МАН засагласны үр дүн юм. Яаж Монголыг шоронжуулах вэ гэж боддог хүмүүс төрд хэтэрхий олноороо шургалчхаж" гэв. 

ШУУД ДАМЖУУЛАЛТ ҮЗЭХ: