Хөдөлмөрийн биржүүдийг чадавхжуулах сургалт, зөвлөгөө зохион байгууллаа

Хөдөлмөр эрхлэлтийг дэмжих тухай хуулийн 9 дүгээр зүйлийн 9.2, 27 дугаар зүйлийн 27.3,  29 дүгээр зүйлийн 29.12,  Хөдөлмөрийн сайдын  2014 оны А/123 дугаар тушаалаар батлагдсан Хөдөлмөрийн хувийн биржийг бүртгэж санхүүжилт олгох тухай журмын хэрэгжилтийн хүрээнд Хөдөлмөр, халамжийн үйлчилгээний ерөнхий газрын даргын 2024 оны дөрөвдүгээр сарын 19-ны өдрийн А/161 дугаар тушаалаар Хөдөлмөр эрхлэлтийн үйлчилгээ үзүүлэх хүсэлт ирүүлсэн байгууллагуудад дүгнэлт гаргаж, сонгон шалгаруулалтад тэнцсэн хөдөлмөрийн биржүүдэд:

• Хөдөлмөрийн хувийн биржүүдийн өнөөгийн нөхцөл байдал сэдвээр МХБНХ-ийн ерөнхийлөгч А.Амаржаргал
• Хөдөлмөрийн хувийн биржүүдийн өнөөгийн нөхцөл байдлын талаар- ХЭДГ-ын мэргэжилтэн Ж.Бадамцэцэг
• Хүний хувийн мэдээлэл хамгаалах тухай хууль, Нийтийн мэдээллийн ил тод байдлын тухай хууль, Эрүүгийн хуулийн зохицуулалт анхаарах асуудал талаарх мэдээллийг Хан-Уул дүүргийн прокурорын газрын, Хууль цаазын дэд зөвлөх С.Бат-Орших
• Ажил олгогчийг дэмжих туршилтын төслийн талаарх мэдээллийг-Төслийн ажилтан Н.Одонтуяа
• “2024 оны хүний нөөцийн тренд”-ийн талаар “Шинэ хөгжлийн түлхүүр ХБ, MSDI консалтингийн захирал Б.Анхбаяр
• Хөдөлмөр эрхлэлтийн нийтлэг үйлчилгээг хэрхэн үзүүлэх талаарх арга туршлага “Арвин эрдэнэ” ХХК Хөдөлмөрийн бирж П.Сувдмаа
• “Хүн төвт хөгжил” Монгол хүний үнэлэмж сэдвээр МУИС-ийн доктор, профессор, Монгол улсын гавьяат багш С.Отгонжаргал нар сургалтад мэдээлэл, танилцуулга өглөө.