О.Цогтгэрэл: АН-ын гишүүд санал хураалтад оролцохгүй

УИХ дахь АН-ын бүлгийн хуралдаанаар гаргасан шийдвэрийн талаар УИХ-ын гишүүн, бүлгийн дарга О.Цогтгэрэл танилцууллаа. 

Тэрбээр "АН-ын бүлэг өглөө 10:00 цагаас хойш хуралдаж, дунд нь завсарлаад, эргэж хуралдан шийдвэрээ гаргалаа. Бүлгийн хурлаар санал хураалт явагдсан. Ерөнхий сайдад итгэл үзүүлэх тухай тогтоолын төслийг хэлэлцэх УИХ-ын чуулганы нэгдсэн хуралдаанд оролцож, үгээ хэлнэ.

Үгээ хэлсний дараа АН-ын бүлгийн гишүүд хуралдааны танхимыг орхин гарч, санал өгөхгүй.

УИХ-ын дэгийн тухай хуулиа ирцэнд орсон хэрнээ санал өгөхгүй байна гэдэг нь дэмжээгүй гэсэн томъёололтой" хэмээн хэллээ.