Эмнэлгийн яаралтай тусламжийн болон холбооны тоног төхөөрөмжийг хүлээлгэн өглөө

Дэлхийн Зөн Монгол ОУБ-ын “Өрхийн амьжиргаа, даван туулах” хөтөлбөрөөс ОБЕГ-ын харьяа Үндэсний аврах бригадад гамшиг, ослын голомтод амилуулах суурь тусламжийг үзүүлэх чадавхыг нэмэгдүүлэх зорилгоор тоног, төхөөрөмжийг гардуулан өглөө.

Үүнд 12 нэр төрлийн 17 ширхэг эмнэлгийн яаралтай тусламжийн болон холбооны тоног төхөөрөмжүүд багтсан юм.

Ингэснээр гамшиг, ослын голомтод үүрэг гүйцэтгэх томилгоот бүлгийн чадавх, бэлэн байдал дээшлэх боломж бүрдэж байна.