7 настай У.Ухаанбилэг шатрын АЗИ ТИВИЙН АВАРГА боллоо

Тайландын Бангкок хотноо  2024 оны Сурагчдын Ази тивийн аварга шалгаруулах тэмцээн болж өндөрлөлөө.

Уг тэмцээний 7 хүртэлх насны хөвгүүдийн ангилалд Дорноговь аймгийн "Хутагтын Мэлмий" клубийн тамирчин, 2023 оны өсвөрийн шатарчдын Улсын аварга Уранбилэгийн Ухаанбилэг 9 өргөөс 7.5 оноотой хожигдолгүй цом өргөн тивийн аварга цолтнуудын эгнээнд шилжжээ.

Мөн тэрбээр 2024 оны сурагчдын улсын аварга шалгаруулах "Цодгор хүү" тэмцээний аварга юм. Бяцхан тамирчин өчигдөр эх орондоо иржээ.