Г.Занданшатар Монголын Шатрын холбооны Ерөнхийлөгчөөр сонгогджээ

 

Монголын Шатрын Холбооны Ерөнхийлөгчид ЕТГ-ын дарга Гомбожавын Занданшатар, МШХ-ны Тэргүүн дэд ерөнхийлөгч Хүрэлбаатарын Батчулуун нар нэр дэвшсэн. Тэгвэл, тэд шатарчдынхаа эв нэгдлийг эрхэмлэж, нийгэм, улс төрийн дэмжлэгийг шатрын спортод авчрахын тулд нэгдэж хамтран ажиллахаар боллоо.

Тодруулбал, МШХ -ны Ерөнхийлөгчөөр Г.Занданшатар Тэргүүн Дэд Ерөнхийлөгч Х.Батчулуун ажиллахаар болсон.  Мөн Г.Занданшатар өөрийн цахим хуудастаа " Энэ бол Дэлхийн шатрын холбооны уриа "Gens una sumus, "We are one Family". Монголын шатрын хөгжлийг дэлхийн түвшинд гаргахын төлөө нэг зорилго дор нэгдэн нэг баг болж хамтран зүтгэхээр бид шийдвэрлэлээ. Өнөөдөр өрсөлдөөн сөргөлдөөнөөс илүү эв нэгдэл хамтын ажиллагаа чухал байна. Шатарт дуртай, шатрын төлөө зүрх сэтгэл, оюун бодол, авьяас чадвар, хүч хөдөлмөрөө зориулдаг бүх хүмүүст талархал илэрхийлье" хэмээн сэтгэгдлээ илэрхийлжээ.