Гол нэрийн барааны дундаж үнэ өмнөх сараас 1.4 хувиар буурчээ

Үндэсний статистикийн хорооноос Монгол Улсын нийгэм, эдийн засгийн 2024 оны эхний 11 сарын үзүүлэлтүүдийг танилцуулав. Тухайлбал нийслэлд арванхоёрдугаар сарын 16-ны байдлаар гол нэрийн барааны дундаж үнэ өмнөх сараас 1.4 хувиар буурчээ.

Тодруулбал үхрийн ястай мах нэг килограмм нь 17919 төгрөг болж 52 төгрөгөөр, 1 дүгээр гурил 2264 төгрөг болж 22 төгрөгөөр, төмс 1362 төгрөг болж 5 төгрөгөөр, сүү 22 төгрөгөөр тус тус буурчээ. 

Харин хонины ястай мах 14581 төгрөг болж 139 төгрөгөөр, ямааны ястай мах 10632 төгрөг болж 157 төгрөгөөр, импортын бөөрөнхий сонгино 3637 төгрөг болж 125 төгрөгөөр тус тус нэмэгджээ.

Энэ нь өмнөх сараас 1.4 хувь, өмнөх долоо хоногоос 0.2 хувиар тус тус өссөн үзүүлэлт юм.

Аймгийн төвүүдэд 1 дүгээр гурил 2541 төгрөг болж өмнөх долоо хоногоос 119 төгрөгөөр, элсэн чихэр 4354 төгрөг болж 10 төгрөгөөр, цагаан будаа 3861 төгрөг болж 38 төгрөгөөр тус тус буурчээ. 

Харин хонины мах 11678 төгрөг /4.6 хувь/, үхрийн мах 14590 төгрөг /1.4 хувь/, ямааны мах 9491 төгрөг /3.3 хувь/, сүү 4830 төгрөг /1.3 хувь/, дизель түлш 3350 төгрөг буюу өмнөх долоо хоногоос 0.2 хувиар тус тус нэмэгджээ.