Баянхонгор аймагт хүчтэй газар хөдөлж нүргэлэх чимээ сонсогджээ

Баянхонгор аймгийн Галуут сумын Хайрхан багийн “Өхөгийн рашаан” гэдэг газар /аймгийн төвөөс баруун хойд зүгт 120 км-т, сумын төвөөс зүүн зүгт 36 км-т/ энэ сарын 22-ны өдрийн 10:36:37 цагт 3.5 магнитудын хүчтэй газар хөдлөлт болов.

Энэ талаарх мэдээллийг Одон орон геофизикийн хүрээлэнгээс 10:43 цагт цахим шуудангаар Онцгой байдлын газарт ирүүлжээ.

Тус аймгийн Онцгой байдлын газраар дамжуулан Галуут сумын Засаг даргын Тамгын газраас тодруулахад иргэдэд нүргэлэх дуу чимээ сонсогдсон, чичирхийлэл мэдрэгдээгүй тухай мэдэгдсэн аж.