Mенингококкын халдвараар нэг хүүхэд нас баржээ

Он гарсаар бага насны хүүхдүүдийн дунд менингококкт халдварын нийт гурван тохиолдол бүртгэгдэж нэг нь нас баржээ. 

Уг халдвар нянгаар үүсгэгддэг бөгөөд халдвар авсан хүнд эмнэл зүйн шинж тэмдэг 24 цагийн дотор хурдан илэрч эмчилгээ хожимдвол хурдан хүндэрдэг аж. Халдварт өвчтэй хүнээс агаар дуслын замаар дамжин халдварлана.

Иймд бие сульдсан, дархлаа муудсан үед халдварт өртөх эрсдэл нэмэгддэг тул биеийн эсэргүүцлээ сайжруулах, халдварын үед бусад халдварт өвчинтэй андуурах тохиолдол гардаг учраас дур мэдэн гэрээр эмчилгээ хийх, хугацаа алдаж хүлээлгүйгээр эмнэлэгт яаралтай хандах хэрэгтэй.

Халдварын үед дараах шинж тэмдэг илэрнэ. Тухайлбал:

• Өндөр халуурах
• Бөөлжих
• Толгой өвдөх
• Нойрмоглох
• Цусархаг тууралт гарах
• Гэрэлд цочимтгой болох
• Дагз хөших
• Таталт өгөх