Монгол, Хятадын авто замын есөн боомтыг түр хаана

"Монгол, Хятадын хилийн боомт, тэдгээрийн дэглэмийн тухай Монгол Улсын Засгийн газар, Бүгд найрамдах Хятад Ард Улсын Засгийн газар хоорондын хэлэлцээр"-ийн хүрээнд талууд харилцан тохиролцсоны дагуу Хятадын хаврын баярын өдрүүдэд буюу энэ сарын 29-31-ний өдрүүдэд авто замын боомтуудыг түр хаана.

Тодруулбал, Замын-Үүд, Гашуунсухайт, Шивээхүрэн, Ханги, Хавирга, Бичигт, Бургастай, Сүмбэр, Баянхошуу боомтуудыг гурван хоногийн хугацаанд хаах юм.

Тиймээс иргэд олон нийт та бүхнийг ажлаа төлөвлөхийг сануулж байна.