Валентины баярыг хосоороо тэмдэглэх боломжтой газрууд

Гэгээн Валентины баярын өдрийг дэлхийн нийтээрээ жил бүрийн хоёрдугаар сарын 14-нд уламжлал болгон тэмдэглэдэг билээ. Валентины баяраар хүмүүс хайртай дотны болон нууцхан шохоорхдог нэгэндээ хүмүүстээ шоколад, цэцэг, чихэр, тоглоом, хайраа илчилсэн шүлэгтэй, сайхныг хүссэн зүрхэн хэлбэртэй ил захидлыг бэлэглэдэг. Мөн нэгэндээ бэлэг өгөхөөс гадна хосоороо болзох нь тус өдрийг илүү гайхалтай болгож өгдөг. Тиймээс баярын өдрийг тань романтик болгоход туслах дараах газруудыг санал болгож байна.

 

1. Сүүлийн жилүүдэд Монголд эрчимтэй хөгжиж хүмүүсийн ихээр үйлчлүүлдэг болсон газруудын нэг бол “B caffe bar”. Энд та нэг өдрийг тайван, дотоод мэдрэмжээ илэрхийлэн зураг зурж, кофе ууж, террариум урлал хийх боломжтой.

Тус кафе нь валентины баярыг тохиолдуулан зургийн багц гаргасан байна. Үүнд “зүрхэн хэлбэртэй зотон давуу, өхөөрдөм содон хэлбэртэй аягануудад кофеноос сонгон үнэгүй уух, зурж дуусаад нэгэндээ хэлэхийг хүсдэг нандин үгсээ бичиж бэлэглэх захиа” зэрэг багтжээ.

“B caffe bar” нь газар Баянзүрх дүүрэг, 6 дугаар хороо, Арслантай гүүрний зүүн урд, оюутны өргөө хоёрын чанх урд байрладаг.

 

                          

 

2. Нээгдээд нэг жил гаруй болсон Mars Billiard Sport bar бол хотбн төв дэх сэтгэл сэргээсэн газруудын нэг. Хэрэв та энд болзохыг хүсвэл хамтдаа тоглож, том дэлгэцээр спортын тоглолтуудыг үзэж, бүх төрлийн уух зүйлс, амттай хоол зооглох боломжтой.

Энэ нь дотроо биллиард, автомат тоглоом, амтат хоолоо захиалаад сууж болох тусгай ширээнүүдтэй юм.

Мөн Mars Billiard Sport bar -аас таны валентины өдрийг хостойгоо хамт өнгөрүүлэхэд зориулсан тусгай багцыг ч гаргасан байна. Үүнд, биллиард 2 цаг,  коктейль, хоёр төрлийн хөнгөн зууш, автомат тоглоом дээр тоглох, VR төхөөрөмж дээр суух эрх зэрэг багтсан. Энэхүү газар Хан-Уул дүүрэг, Их наяд зүүн өндөр, 7 давхарт байрладаг.

 

 

3. Сонгодог тайван, чимээгүй орчинд ярилцаж, wine шимж суухыг хүсвэл Итали хоолны ресторануудад зочлох нь тохиромжтой байдаг. Жишээлбэл,

• Ciao Ciao Restaurant - Чингис хаан музейн зүүн талд
• DeQuattro By Rosewood - Наран плазагын баруун хойд талд
• La Viva Restaurant - Blue sky зочид буудлын зүүн урд талд
• Il Fiore Italian Restaurant - Төв шуудангйин урд талд
• Alfie restaurant & Living room cocktail bar гэх мэт газруудыг санал болгож байна.

4. Энэхүү өдөр зохион байгуулагдаж буй тоглолтыг хосоороо үзэхэд хамтдаа сууж, ойртож дотносох боломжыг бүрдүүлдэг. Үүнд:

• Хайрын дуу тоглолт
• Романтик үдэш концерт
• Davaidasha “Шоколад” live concert
• “Зүгээрээ Хайраа” Валентины баярын супер тоглолт
• “Хайрыг хайрла” уянгын драмын жүжиг
• Valentine’s Night
• Candlelight concert гэх мэт тоглолтууд тус бүр (2025.02.14) зохиогдоно.

Ц.АНУЖИН