Халзан бүрэгтэй төслийн гүйцэтгэх захирлаар А.Цолмон томилогдлоо

Халзан бүрэгтэй төслийг хэрэгжүүлэгч “МНРИК” ХХК-ийн Удирдах зөвлөлийн шийдвэрээр А.Цолмон Гүйцэтгэх захирлаар томилогдож, албан үүргээ хүлээн авлаа.

А.Цолмон нь ШУТИС болон АНУ-ын Ютагийн их сургуулийг геологич мэргэжлээр төгссөн бөгөөд уул уурхай, эрдэс баялаг, хүнд үйлдвэрийн салбарт ажилласан 17 жилийн туршлагатай мэргэжилтэн юм. Тэрбээр,

• Энержи Ресурс ХХК – Ахлах геологич, менежер

• Дархан Төмөрлөгийн Үйлдвэр – Геологи, уурхай хариуцсан төслийн менежер

• МНРИК ХХК – Геологи, уурхай хариуцсан дарга

• Халзан бүрэгтэй хөгжлийн сан – Гүйцэтгэх захирал

• Дэлхийн Банк, Вашингтон ДС – Уул уурхайн ахлах мэргэжилтнээр тус тус ажилласан.

Карьерынхаа хугацаанд:

• Томоохон ордуудыг эдийн засгийн эргэлтэд оруулж, олон улсын хөрөнгө оруулалт татахад нөөцийн тооцооллыг баталгаажуулах,

• Засгийн газруудад стратегийн зөвлөмж өгч, салбарын засаглалыг бэхжүүлэх,

• Зүүн Африк, Баруун Балкан, Монгол, Төв Азийн орнуудад эрдэс баялагт суурилсан хөгжлийн бодлого боловсруулах,

• Критикал минералаар дамжуулан нүүрснээс алгуур шилжих хөтөлбөрүүд болон эрдэс баялгийн салбарын нийтийн бодлого боловсруулах чиглэлээр мэргэшсэн нэгэн аж.