Г.Хажидмаа: "Цалинтай ээжийн 50 мянган төгрөгийг нэмүүлээд өгөөч" гэж загнах нь холгүй байна

Иргэдийн төлөөлөл "Цалинтай ээж"-ийн 50.000 төгрөгийг нэмүүлэхийг шаардаж өнөөдөр /2025.03.27/ мэдээлэл өглөө.

Иргэн Г.Хажидмаа:

-Бидний ард аавууд байдаг гэдгийг өнөөдрийн хурлаар харуулахыг зорьсон. Төрөөс халамжлах шаардлагатай иргэд гэж байдаг. Үүнд 350 мянган төгрөгийг сар бүр авдаг хөгжлийн бэрхшээлтэй иргэд хамрагддаг. Жишээлбэл, нэг айлд хоёр хөгжлийн бэрхшээлтэй иргэн байна гэхэд ажил хөдөлмөр эрхлэх боломжгүй байх асуудал маш их болсон. Нийгмээ дагаад ядуурал нь маш их болсон. Нийт хүн амын 75 хувь нь нэн ядуу байна. Ядуурлын тоонд миний дурьдсан хүмүүс дээрх хүмүүс орж байна. Тиймээс цалинтай ээжийн 50 мянган төгрөгийг нэмүүлэх хүсэлтийг маш олон ээжүүд бид бүхэнд уламжилж байгаа. Та нар нэмүүлээд өгөөч гэж загинах нь холгүй болсон байна. Жишээлбэл, өрх толгойлсон ээж хоёр хүүхэдтэй байлаа гэхэд цалинтай ээжийн 50 мянга болон хүүхдийн 100 мянган төгрөгөөр амьдарч байна.

Тэгэхээр зайшгүй шаардлагатай цалинтай ээжийн 50 мянга болон одонтой ээжийн мөнгийг нэмж, хөгжлийн бэрхшээлтэй иргэдийн амьжиргааг нэн яаралтай дэмжмээр байна.

УИХ-ын сонгуулийн өмнө Засгийн газар болон холбогдох яамнаас нь “Цалинтай ээжийн 50 мянга болон одонтой ээжийн мөнгийг нэмнэ” гэдгийг тухайн салбарын сайд нь яриад УИХ-ын гишүүн болоод албан тушаал ахиад алга болсон. Дараах сайд нь гарч ирээд цалинтай ээжийн 50 мянган төгрөгийг танана гэсэн асуудлыг ярьсан. Сонгуулиар санал авахын тулд хууран мэхлэлт явуулаад нөгөө сөрөг хүчин болох АН, Хүн нам таг болсон.

Удаа дараа бид шаардлагаа хэрэгжүүлж байсан учраас нэг удаа ч гэсэн Засгийн газраас нэн яаралтай хөхүүл ээжийнхээ амьжиргааг дэмжээд өгөөч, одонтой ээжүүдээ хараач, хөгжлийн бэрхшээлтэй иргэдийнхээ амьжиргааг дэмжээч гэдэг асуудлыг хөндөж ярьж байгаа юм.  

Мөн тэрбээр "Цалинтай ээж"-ийн 50 мянган төгрөгийн асуудал дээр анхаарал хандуулж байгаа нэг ч эмэгтэй гишүүн алга" хэмээв.