Ой, хээрийн түймрийн 90-95 хувь нь хүний буруутай үйл ажиллагаанаас шалтгаалж байна

Улсын хэмжээнд бүртгэгдэж байгаа ой хээрийн 90-95 хувь нь хүний буруутай үйл ажиллагаанаас шалтгаалж байна. Ой хээрийн түймэр санамсаргүй болоод санаатай тавьсан тохиолдолд Эрүүгийн хуулийн дагуу хариуцлага хүлээлгэдэг заалттай байдаг.

Тус хуулийн 24.7 дугаар зүйл. Ой, хээрийн түймэр тавих

 1.Гал шатамхай зүйлтэй болгоомжгүй харьцсаны улмаас ой, хээрийн түймэр гарч хүний бие махбодод хүнд хохирол учирсан, хүний амь нас хохирсон, их хэмжээний хохирол учирсан бол нэг жилээс таван жил хүртэлх хугацаагаар хорих яд шийтгэнэ.

 2.Ой, хээрийн түймэр санаатай тавьсан бол хоёр жилээ найман жил хүртэлх хугацаагаар хорих ял шийтгэнэ гэж заажээ.

Энэ зүйлийн 2 дахь хэсэгт заасан гэмт хэргийн улмаас:

  1.Хүний эрүүл мэндэд хүнд хохирол учирсан, хүний амь нас хохирсон

  2.Их хэмжээний хохирол учирсан бол таван жилээс арванхоёр жил хүртэл хугацаагаар хорих ял шийтгэх хуулийн заалттай юм.

Тиймээс иргэн бүр сонор сэрэмжтэй байж галын аюулгүй байдлыг сайтар хангаж, ой, хээрээс урьдчилан сэргийлэх арга хэмжээг хэрэгжүүлэхийг Онцгой байдлын ерөнхий газраас зөвлөлөө.