УЕП Б.Жаргалсайхан: Би өргөсөн тангарагтаа үнэнчээр ажиллаж байгаа хүн

УЕП Б.Жаргалсайханыг улираан томилох Ерөнхийлөгчийн саналыг ЕТГ-ын дарга Г.Занданшатар Бүлгийн ээлжит бус хуралдаанд өнөөдөр /2025.04.09/ танилцуулж байна.

УЕП Б.Жаргалсайхан:

-2024 оны байдлаар 306 хэрэг шүүхэд шилжсэн. Энэ хугацаанд 14.8 хувийн хохирол учирсан. Үүнээс 11.6 хувийг нь нөхөн төлүүлж чадсан. Бидний хамгийн их санаа зовоож байдаг зүйл бол таслан сэргийлэх арга хэмжээ дээр хүн маш их хоригдож байна гэдэг асуудал яригддаг. 2019 онд нийт таслан сэргийлэх арга хэмжээний 10.9 хувийг нь цагдан хорьж байсан. Энэ дээр прокурорын байгууллага тодорхой ажлыг зохион байгуулсан. Мөрдөн байцаах байгууллагуудтайгаа хамтарч ажилласан. Үүний үр дүнд цагдан хорих, таслан сэргийлэх арга хэмжээ рүү аль болох бага орж ажилласан. Иргэдийг аль болох цагдан хорихгүйгээр хэргийг нь шийдвэрлэдэг байхаар ажиллаж байна.

Т.Бадамжунайд холбогдох хэргийг яллах дүгнэлт үйлдэж шүүхэд шилжүүлсэн. Шүүх хэргийг буцаасан. Тиймээс мөрдөн шалгах ажиллагаа явагдаж байна. Тодорхой хэргүүдтэй нэгтгэх ажиллагаа явагдаж байна.

Прокурорын байгууллага дээр хэрэг ирээд алга болно гэсэн ойлголт байхгүй. Тодорхой ажлууд хийгдэж байгаа учраас удаашрахыг үгүйсгэхгүй. Хэргүүд шүүх рүү шилжиж байгаа.

Нүүрсний хэрэг дээр гэхэд 102 хэргийн 31 нь шүүхэд шилжсэн. Мөрдөн байцаалтын шатанд 45 хэрэг байна.

Улираан томилох асуудлыг би шийдэхгүй. Та бүхэн шийднэ. Би өргөсөн тангарагтаа үнэнчээр ажиллаж байгаа хүн.