Иргэдэд хамгийн ТААЛАГДДАГГҮЙ улс төрчөөр ЗГХЭГ-ын дарга Н.Учрал тодров

"МЭК" судалгааны байгууллагаас сар бүр гаргадаг улс төрчдийн барометрийн дөрөвдүгээр сарын дүн гарчээ. Уг судалгааг дөрөвдүгээр сарын 2-9-ний өдрүүдэд нийслэлийн 510 иргэнээс санамсаргүй түүврийн аргаар авсан байна. 

Судалгаагаар иргэдээс "Үйл ажиллагаа нь таалагддаггүй улс төрчөө нэрлэнэ үү" хэмээн асууж, хамгийн таалагддагүй улс төрчдийг жагсаажээ. 

Үүнээс харахад, ЗГХЭГ-ын дарга Н.Учрал иргэдэд таалагдахгүй байна. Түүний араас Сангийн сайд Б.Жавхлан, УИХ-ын дарга Д.Амарбаясгалан, Эрчим хүчний сайд Б.Чойжилсүрэн нар жагссан байгаа юм.