Dobu хөтөч: "Өгөгдлийн интеграци: ХУР & ДАН шийдэл" уулзалт зохион байгуулна

Өнөөдөр /2024.11.22/ болох үйл явдлын тоймыг хүргэж байна. 

9:00-13:00 цагт: ЦХИХХЯ, Монголын Үндэсний дата төв, Е-Монголиа хамтран "Өгөгдлийн интеграци: ХУР & ДАН шийдэл" төр хувийн хэвшлийн уулзалтыг Encanto tower-ийн Prime Cineplex зааланд зохион байгуулна. Утас: 86021029, 88661558

11:00 цагт: ХӨСҮТ-ийн Захиргааны хэвлэлийн өрөөнд томуу, томуу төст өвчний нөхцөл байдал, урьдчилан сэргийлэх тухай мэдээлэл өгнө.

11:30 цагт: Монголын сонгодог Дартсын холбооны тамирчид Ази номхон далайн бүсийн аварга шалгаруулах тэмцээнээс Монголд анх удаа цом, алтан медаль авсан тухай шигшээ багийн тамирчид “Зууны мэдээ” сонины үндэсний мэдээллийн төвд мэдээлэл хийнэ. Утас: 99790206, 80190070

13:30 цагт: Жендерт суурилсан хүчирхийлэлтэй тэмцэх 16 хоногийн аяны нээлт ХЗДХЯ-нд болно.

14:00 цагт: ГХЯ, АНУ, БНСУ-ын ЭСЯ хамтран зохион байгуулж буй “Хариуцлагатай аялцгаая”-II мэдээлэл сурталчилгааны аян ГХЯ-ны “Зөвшилцөл” танхимд болно.

15:00 цагт: Цахим хичээлээр БНСУ-д бүрэн дунд, дээд боловсрол эзэмших боломжийн талаар Korea University-ийн Биологи, биоанагаах инженерийн чиглэлээр суралцдаг 3 дугаар курсын оюутан Ц.Цолмон мэдээлэл өгнө.

-Сэргээгдэх эрчим хүч үйлдвэрлэгчдийн холбооноос жил бүр зохион байгуулдаг олон улсын шинэ эрчим хүчний чуулганыг "Just Transition" сэдвээр Новотел зочид буудалд зохион байгуулна.

Сэлэнгэ аймагт: "Монголын таримал мөөгний нэмүү өртгийн сүлжээ" ТББ-аас "Хүнсний мөөг тариалах технологи-1" сургалтыг энэ сарын 22-23-нд Сүхбаатар суманд зохион байгуулна.

Дундговь аймагт: Улс тунхаглаж, анхдугаар Үндсэн хууль баталсны 100 жилийн ойд зориулсан улс, аймгийн алдар цолтой бөхчүүдийн барилдааныг Дундговь аймгийн Биеийн тамир спортын газрын зааланд энэ сарын 25-нд зохион байгуулна.