ТӨСӨВ: Ч.Номин сайдын багцад багтсан 53 барилга, тоног төхөөрөмжийн жагсаалт

УИХ-аар Монгол Улсын 2025 оны төсвийн төслийг хэлэлцэж энэ үед Соёл, спорт, аялал жуулчлал, залуучуудын сайд Ч.Номингийн багцад тусгагдсан төсөв олны шүүмжлэлийг дагуулаад байна. 

Тодруулбал, Ирэх онд Ч.Номин сайдын багцад 598 тэрбум 6 сая төгрөг захиран зарцуулахаар хуваарилсан. Үүний 432 тэрбум 332 сая төгрөг нь урсгал зардал, 165 тэрбум 674 сая төгрөг нь хөрөнгийн зардал байгаа юм. 

Хөрөнгийн зардалд тусгасан 165 тэрбум 674 сая төгрөгөөр 50 барилга барих, гурван байгууллагын тоног төхөөрөмж авахаар тооцоолжээ. Ямар барилга барихад хэдэн төгрөг зарцуулах талаар дэлгэрэнгүй мэдээллийг хүргэж байна. 

-27 суманд Соёлын төв барихад 42 тэрбум 964 сая 900 мянган төгрөг зарцуулна-

Соёлын чиглэлээр үйл ажиллагаа явуулах 35 барилгын ажлыг 103 тэрбум 58 сая төгрөгөөр ирэх онд үргэлжлүүлэхээр төлөвлөжээ. Үүнээс 27 нь Соёлын төв байгаа юм. Дараах 27 сумын Соёлын төвийн барилгыг 42 тэрбум 964 сая 900 мянгаар барих аж.

Мөн Байгалийн түүхийн музейн барилгыг 30 тэрбум 80 сая төгрөгөөр, Төв аймагт Монголын Үндэсний археологи, палеонтологи, угсаатны музей, лабораторийг 10 тэрбумаар, Ховд аймгийн Жаргалант суманд Олон угсаатны театрыг 6 тэрбум 488 саяар, Кино театр 1 тэрбумаар гэх зэргээр зарцуулахаар тусгасан байна.

 

 

 

-24 тэрбум төгрөгөөр Соёл, спорт, аялал жуулчлал, залуучуудын салбарын тоног төхөөрөмж авна-

 

Соёлын салбарт тоног төхөөрөмж авахад нийт 26 тэрбум 973 сая 700 мянган төгрөг зардал гаргах ажээ.

Тодруулбал, Соёл, спорт, аялал жуулчлал, залуучуудын салбарын тоног төхөөрөмж авахад 24 тэрбум төгрөг, Архангай аймгийн хөгжимт драмын театрын тоног төхөөрөмж авахад 1 тэрбум 373 сая 700 мянга, Говь-Алтай аймгийн Есөнбулаг суманд музейн соёлын өвийн тоног төхөөрөмж авахад 1 тэрбум 600 сая төгрөг зарцуулахаар тусгасан байгаа юм.

 

 

-35 тэрбум 641 сая төгрөгөөр спорт заал, цогцолбор барина-

2025 онд 15 спорт заал, усан бассейн, өвлийн спортын ордон зэргийг нийт 35 тэрбум 641 сая 900 мянган төгрөгөөр барихаар байна.

 

Тухайлбал, Дарханд өвлийн спортын ордон барихад 6 тэрбум 676 сая 400 мянга, Сонгинохайрхан дүүрэгт өвлийн спортын ордон барихад 5 тэрбум 526 сая 400 мянга, Дорнод аймгийн Хэрлэн суманд Усан бассейн бүхий спорт цогцолбор барихад 4 тэрбум 351 сая 700 мянга төгрөг гэх мэтээр тусгажээ.