Хөвсгөл аймагт хяналт шалгалтын пост 24 цагаар ажиллаж байна

Хөвсгөл аймгийн Онцгой комиссын шийдвэрээр хяналт шалгалтын постууд 24 цагаар ажиллаж байна. Энэхүү хяналт шалгалт нь тарваган тахал өвчнөөс урьдчилан сэргийлэх, ойн дагалт баялгийг зохистой ашиглуулах, хууль бус ан агнуурыг таслан зогсоох, мал амьтны шилжилт хөдөлгөөнийг хянах зэрэг хууль тогтоомжийн хэрэгжилтэд хяналт тавьж, зөрчил гарахаас урьдчилан сэргийлж байгаа юм.

Шалгалтын явцыг хоёр цаг тутамд аймгийн Онцгой байдлын газрын шуурхай штабт (70383218) мэдээлж, үүрэг гүйцэтгэсэн хугацааны тайлан мэдээг журамд заасны дагуу мэдээлж байна.

Хяналт шалгалтын үйл ажиллагаа нь есдүгээр сарын 4-ний өдрөөс эхлэн аравдугаар сарын 4-ний өдөр хүртэл үргэлжилж, байнгын хяналт, шалгалтыг 24 цагийн турш тасралтгүй зохион байгуулах аж.

Эх сурвалж: Хөвсгөл аймгийн Засаг даргын тамгын газар