Ерөнхийлөгч У.Хүрэлсүх Ерөнхий сайдыг огцруулах тухай тогтоолд тавьсан хоригоо татан авлаа

Монгол Улсын Ерөнхийлөгч 2025 оны аравдугаар сарын 20-ны өдөр Ерөнхий сайдыг огцруулах тухай Монгол Улсын Их Хурлын 95 дугаар тогтоолд бүхэлд нь хориг тавьсан талаар Ерөнхийлөгчийн Тамгын газраас мэдэгдэж байсан билээ.

Үндсэн хуулийн цэц 2025 оны аравдугаар сарын 22-ны Их суудлын хуралдаанаар 08 дугаар шийдвэр гаргасан байх тул 2025 оны аравдугаар сарын 20-ны өдрийн тогтоолд хориг тавих тухай Е/11 дугаар хоригийг татан авч буй талаар Ерөнхийлөгчийн Тамгын газрын Хэвлэлийн төлөөлөгч Ө.Золбаяр мэдэгдлээ.