Сүүлийн 14 хоногт 97 иргэн угаартаж, 4 хүн нас баржээ

Нийгмийн эрүүл мэндийн үндэсний төвөөс өнгөрсөн 14 хоногийн буюу аравдугаар сарын 14-27-ны өдрийн угаарын хийн хордлогын тоон мэдээллийг танилцууллаа.

Өнгөрсөн 14 хоногт угаарын хийн хордлогын улмаас 97 иргэн эмнэлгийн тусламж үйлчилгээ авч, дөрвөн иргэн нас баржээ.

Нийт тохиолдлыг байршлаар нь авч үзвэл,

-Сонгинохайрхан дүүрэгт 61,

-Баянзүрх дүүрэгт 14,

-Чингэлтэй дүүрэгт 10,

-Сүхбаатар дүүрэгт 9,

-Хан-Уул дүүрэгт 2,

-Налайх дүүрэгт 2,

-Дархан-Уул, Дундговь аймагт нийт 3 дуудлага мэдээлэл бүртгэгджээ.