Завханы засаг ноён Г.Өнөрбаярыг шалгах уу

Аливаа Ерөнхий сайдууд хийх эрмэлзэл дүүрэн сэнтийдээ залардаг ч өнөөх л бүлэглэлийн хулгай дээрэмтэй нүүр тулдаг учраас хүссэндээ хүрч ажиллаж чаддаггүй нь үнэн. Харин Ерөнхий сайд Г.Занданшатар "Би хулгайтай эвлэрэхгүй, хулгайтай хамт унахгүй" хэмээн зоримогхон мэдэгдсэнээс хойш төрийн эрх барих хамгийн дээд байгууллагын тэргүүн Д.Амарбаясгалангаас эхлээд тэмцлээ эрс шийдмэгхэн эхлүүлэв. Нэгэнт УИХ-ын даргынхаа нүүрсний хулгайтай тэмцээд эхэлсэн учраас төрийн шат шатанд байгаа хууль зөрчсөн дарга нартай “үзэж” байна. Энэхүү тэмцэл нь зөвхөн Сүхбаатарын талбай тойрсон хэдэн байшингаар хязгаарлагдсангүй, нийслэлээс хальж, аймаг орон нутагт хүрээ хаяагаа тэлжээ.

 

Тэгвэл одоогийн байдлаар Дархан-Уул аймгийн Засаг дарга Б.Азжаргал, Увс аймгийн Засаг дарга агсан С.Батжаргал, Завхан аймгийн Засаг даргын орлогч Д.Уужимсанаа болон бусад хүмүүст АТГ хэрэг бүртгэлтийн хэрэг нээн шалгаж эхэлсэн. Үүгээр ч зогсохгүй зарим хүмүүсийг цагдан хориод байгаа.

 

Харин одоо шалгагдахаар зэхэж байгаа дарга нарын тэргүүн эгнээнд Хөдөлмөр, нийгмийн хамгааллын яамны Төрийн нарийн бичгийн даргаар чамгүй хугацаанд ажиллаж, Завхан нутгийг зорьсон тус аймгийн Засаг дарга Г.Өнөрбаяр орж байна. Учир нь Засаг дарга Г.Өнөрбаяр нарт холбогдох асуудлын мөрөөр хууль хүчний байгууллагынхан орсныг албан бус эх сурвалжууд хэллээ. Чухам ямар асуудлын мөрөөр орж байгаа нь тодорхойгүй ч удахгүй болох МАН-ын Их хурлын наана томоохон асуудлыг дэлгэж магадгүй бололтой. Шалгагдах дарга нарын тэргүүн эгнээнд нэр дурдагдаж байна гэдэг асуудал нь тийм ч жижиг биш байгааг илтгэж байгаа хэрэг биз ээ.

 

Мэдээж хэрэг, анхнаасаа "Би хулгайтай эвлэрэхгүй, хулгайтай хамт унахгүй" хэмээн тунхагласан Гүйцэтгэх засаглалын тэргүүний хувьд намынхаа Их хуралд хийсэн ажилтай, хэлсэн амандаа хүрчихсэн тухлах нь зөв буй заа.

 

Их Мэдэгч