Оюутолгойн сонсголд 300 гаруй гэрч дуудагджээ

Оюутолгой бүлэг ордын ашиглалтын талаар хянан шалгах түр хоро байгуулагдан ажиллаж байгаа билээ. Энэ удаад Оюутолгойн Хянан шалгах түр хороо 12 дахь удаагийн ээлжит хурлаа зохион байгуулжээ. Энэ хүрээнд Монгол Улсын Их Хурлын Хяналт шалгалтын тухай хуулийн дагуу нээлттэй сонсголыг 12 дугаар сарын 8-12-ны өдрүүдэд зохион байгуулах талаар хэлэлцэж, тус сонсголд гэрчээр дуудагдах 300 гаруй албан тушаалтан, иргэдийн нэрсийг тогтоолоор батласан байна.

 

Тус сонсголд дуудагдаж байгаа гэрчүүдийн хувьд нэг талдаа сонсголд биечлэн ирж, Оюутолгойтой холбоотой иргэд олон нийтэд эргэлзээтэй асуудлыг өөрийн биеэр тайлбарлан, бодит үнэн мэдээллийг өгөх аж.