Монгол охид Солонгосын волейболынхны анхаарлын төвд байна

Өдгөө БНСУ-ын Мокпо хотын  Шинжлэх Ухааны Коллежийн нэгдүгээр курст суралцаж буй Энхүүш нь 2022 онд Мокпо хотын охидын “Худалдааны дунд сургууль”-д волейболын чиглэлээр суралцахаар очсон бөгөөд олны анхаарлыг өөртөө татаж чадсан 180 см өндөр маш чадварлаг тоглогч юм.

 

Тэрээр өнгөрсөн жил Үндэсний спортын их наадамд багаа тэргүүлэн хоёрдугаар байрт шалгарч байсан бол энэ жил Мокпо хотын Шинжлэх Ухааны Их Сургуулийн гарааны тоглогчийн хувиар Солонгосын Их Сургуулийн Спортын Холбооны (KUSF) U-лигт эхний байрт шалгарсан байна.

 

Саяхан тэрээр "Волейболын хатан хаан" Ким Ён Кюн тэргүүтэй "Гадаад легион" Пилсон Вондердогс нартай волейболын энтертайнмент шоуд гарааны довтлогчоор тоглож олны анхаарлыг татжээ.

 

Тэрээр V-лигт дэвшин тоглохыг мөрөөддөг ч түүнд тулгарах даваа, бэрхшээл, сорилт нь хэцүү гэдэг нь ойлгомжтой юм. Түүний ахлах сургуулийн ангийнхан болох Ким Да Юн, Ли Жу Ах нар эмэгтэйчүүдийн мэргэжлийн лигт элссэн ч тэрээр Монгол Улсын иргэн учраас их сургуульд элсэн орохыг сонгожээ.

 

Учир нь Солонгосын волейболын холбооны (KOVO) одоогийн дүрмийн дагуу шинэ залуу тоглогч нь зөвхөн Солонгосын үндэсний тоглогчид оролцох боломжтой гэж заасан байдаг байна. Тиймээс түүний сонголт Азийн квотоор багт элсэх эсвэл Солонгосын харьяат иргэн болж байж орох боломжтой юм.

 

Өнгөрсөн дөрөвдүгээр сард Азийн квотод хүсэлт гаргаж жагсаалтад орсон ч сонгогдоогүй байна. Азийн квотын өөр тоглогч бэртэл авбал түүнийг орлох тоглогчоор сонгогдож магадгүй  юм.

Нөгөөтээгүүр, Тамираа V лигт дэвшин орох мөрөөдлөөсөө татгалзаж, Монголдоо амьдрах бодолтой байгаагаа илэрхийлсэн гэх мэдээлэл гараад байгаа аж.