“Монгол Хаан” жүжгийн продюсер А.Баярцэцэгийг "Алтан гадас" одонгоор шагнажээ

Соёлын элч, “Монгол Хаан” жүжгийн продюсер, жүжигчин А.Баярцэцэг, “Монгол Хаан” жүжгийн продюсер, “Вайлд Як Продакшн”-ы захирал Оливер Ж.И.Кинг нарыг Монгол Улсын Төрийн дээд шагнал “Алтан гадас” одонгоор шагнажээ.

Монгол Улсын түүх, соёл, уламжлал болон тайзны урлагийг олон улсад сурталчлан таниулахад оруулсан онцгой хувь нэмрийг нь үнэлэн Ерөнхийлөгч зарлиг гаргасан аж.

Шагналыг Умард Ирландын Нэгдсэн Хаант Улсад суугаа Онц бөгөөд Бүрэн эрхт Элчин сайд Б.Энхсүх гардуулан өгч, баяр хүргэжээ. 

Эх сурвалж: Умард Ирландын Нэгдсэн Хаант Улс дах элчин сайдын яам