Нийслэлийн 1-5 дугаар ангийн сурагчид өнөөдрөөс цахимаар хичээллэнэ

Томуу, томуу төст өвчний тархалт нэмэгдэж буйтай холбогдуулан Боловсролын сайд тушаал гаргасан.

Тушаалын дагуу нийслэлийн Баянзүрх, Баянгол, Налайх, Сүхбаатар, Сонгинохайрхан, Хан-Уул, Чингэлтэй  дүүргийн өмчийн бүх хэлбэрийн Ерөнхий боловсролын сургуулийн бага, дунд ангийн хичээлийг тодорхой хугацаанд цахим хэлбэрт шилжүүлэхээр болсон юм. Цахим хичээл өнөөдрөөс (2025.12.01) эхлэх бөгөөд:

• 1–5 дугаар анги 2025 оны 12 дугаар сарын 1-нээс 5-ныг дуустал,
•  6–9 дүгээр анги  2025 оны 12 дугаар сарын 8-наас 12-ныг дуустал цахимаар хичээллэнэ.