Садист эхнэртэй залуу бэлгийн хүчирхийлэлд өртдөг талаараа олонд дэлгэжээ

Өчигдөр буюу энэ сарын 23-нд Солонгосын орон даяар цацагддаг YTN радиогийн "Өмгөөлөгч Жо И Сопын зөвлөгөө өгөх төв" радио шууд нэвтрүүлэгт 30 орчим насны шинэхэн гэрлэсэн залуу эр өөрийн түүхээ радио сонсогч нарт хуваалцсан нь олон нийтийн дунд шуугиан тариад байна.

Тэрбээр "Бид нас чацуу, эхнэртэйгээ гэрлэснээсээ хойш би маш их стресст орсон бөгөөд эхнэр маань бидний бэлгийн харьцааны үеэр садист шаардлагуудыг байнга хүсдэг” гэв.

Залуу эрийн хэлснээр түүний эхнэр бэлгийн харьцааны үеэр "намайг цохь", "хоолойг минь боо", "үсийг минь зулгаа", “илүү чанга, хүчтэй” гэх мэт зүйлсийг байнга шаарддаг байна. Эхэндээ тэр эдгээр шаардлагыг тоглоом гэж ойлгож байсан ч одоо "айж байна" гэжээ. Тэрээр "Эхнэр маань чи эдгээр садист зан авирыг гаргахгүй бол надтай унтахаас татгалзаж болно" гэж хэлсэн гэв.

Мөн тэрбээр эр хүн хүч чадлаа буруу зүйлд ашиглаж, эхнэрээ гэмтээж магадгүй гэж санаа зовж, "Гэр бүлийн хүчирхийллийн талаарх мэдээг харах бүрт зүрх минь шимширдэг. Эхнэр маань надаар хийлгэхийг хүссэн ч дараа нь хуулийн хариуцлага хүлээхээс айж байна" гэж хэлэв. 

Түүний хоолой зангиран "Би эхнэртээ энэ зүйлийг хийхэд надад маш их хэцүү байна гэж хэлсэн ч тэр зүгээр л өөрийнх нь хүсэлтийг хүндэтгэхийг хүсдэг" гэж хэлээд "Би шөнө унтлагын өрөөндөө орохоос ч айж байна. Би энэ гэрлэлтээ хадгалах ёстой юу гэж” зөвлөгөө хүссэн байна. 

Өмгөөлөгч Пак "Хэрэв эхнэрийн тань хүссэн бэлгийн үйлдэл нь хүчирхийллийн шинж чанартай бол талууд зөвшөөрсөн ч түүнийг хожим нь эрүүгийн хариуцлагаас чөлөөлөхгүй байж магадгүй юм. Хосуудын харилцан тохиролцсон зан авирын талаарх мэдэгдлийг мөрдөн байцаалтын явцад хүлээн зөвшөөрдөггүй." Мөн "Гэр бүлийн хүчирхийллийн талаар тодорхой нотлох баримт авч үлдэх нь хамгийн сайн арга юм" гэж нэмж хэлэв. 

Өмгөөлөгч Парк мөн "бэлгийн харьцаанаас татгалзсан" гэсэн үндэслэлээр эхнэр тань салах өргөдөл гаргах нь танд ямарч хор хөнөөл учруулахгүй гэж нэмж хэлэв. "Үнэндээ та бэлгийн харьцаанаас илт татгалзсан ч хүчирхийлэлтэй бэлгийн харьцаанд орсон, сэтгэл санааны хүнд дарамтынхаа талаар гомдол гаргавал үүнийг салалтын үндэслэл гэж үзэх магадлалтай" юм гэв.