МУГТ Ц.Цогтбаатар дэвжээндээ эргэн ирж, улсын аваргад зодоглоно

МУГТ, жүдо бөхийн дэлxийн аварга Ц,Цогтбаатар 2023 оны сүүлээр хоёр хөлийнхөө чагтан холбоосонд гэмтэл авч, хэсэг хугацаанд барилдах боломжгүй болсон билээ. 

Тэрбээр дэвжээндээ эргэн ирэхээр болжээ. 

Тодруулбал, Монголын жүдо бөхийн холбооноос зохион байгуулдаг 2026 оны насанд хүрэгчдийн улсын аварга шалгаруулах тэмцээн Хэнтий аймгийн Чингис хотод ирэх оны нэгдүгээр сарын 23-25-ны өдрүүдэд болно. Тус тэмцээний 73 кг-ийн жинд МУГТ, Дэлхийн аварга Ц.Цогтбаатар зодоглохоор бэлтгэлээ хийж эхэлсэн байна.