Камбож улсад гэмт хэрэг үйлдсэн 73 солонгос иргэнийг эх оронд нь албадан буцаажээ

Камбож улсад залилан мэхлэх, барьцаалах зэрэг гэмт хэрэгт холбогдсон 73 Өмнөд Солонгосын иргэнийг энэ сарын 23-ны өглөө түрээсийн онгоцоор эх оронд нь албадан буцаан авчирчээ. Тэднийг тээвэрлэсэн онгоц Пномпень хотоос хөөрч, 09:41 цагт Инчоны олон улсын нисэх буудалд газардсан байна.

Сэжигтнүүдийг онгоцонд суусан даруйд баривчилсан бөгөөд тэд 869 иргэнээс (36 сая ам.доллар) залилан мэхэлсэн хэрэгт буруутгагдаж байна. Үүнээс 70 иргэн нь хайр дурлалын болон хөрөнгө оруулалтын луйвар, үлдсэн гурав иргэн нь барьцаалах, хууль бус мөрийтэй тоглоомын хэрэгт холбогджээ.

Аюулгүй байдлыг хангах үүднээс онгоцонд сэжигтэн бүрийн хоёр талд хамгаалагч суулгасан бөгөөд эмч, сувилагч нар ч мөн болзошгүй нөхцөл байдалд бэлтгэн хамт явжээ. Инчоны олон улсын нисэх онгоцны буудалд дэг журмыг сахиулах зорилгоор 181 цагдаагийн алба хаагч, 10 автобус, 7 фургон автомашиныг дайчилсан байна.