Энэ сарын 22-ны өдөр Тэжон хотод "Монголын өдөр" арга хэмжээг зохион байгуулна

Солонгосын волейболын "Ред Спаркс" баг спортоор дамжуулан соёлын солилцоог дэмжиж зорилгоор энэ сарын 22-ны өдөр Тэжон хотын Чунму биеийн тамир спортын зааланд "Монголын өдөр" арга хэмжээг зохион байгуулхаар болжээ.

Энэхүү арга хэмжээг Монголын уламжлалт баяр сар шинэтэй давхцуулахаар төлөвлөсөн бөгөөд энэ нь Солонгост амьдарч буй монгол иргэдтэй баярын утга учрыг хуваалцах зорилготой тусгай арга хэмжээ ажээ.

Ойролцоогоор 200 орчим Монгол иргэд болон Солонгос дахь Монголын Элчин сайдын яамны албан тушаалтнууд зочлох төлөвтэй байгаа бөгөөд Элчин сайд С.Сүхболд мөн оролцохоор болсон байна.

Ялангуяа саяхан Жонгванжан багт элсэн орсон Монголын од тоглогч (Энхүүш) Ж.Энхсоёл уг арга хэмжээнд оролцож байгаа нь анхаарал татаж байна. 

Энэхүү арга хэмжээний зорилго нь гадаадад карьераа эхлүүлж буй Энхүүш болон түүний Монгол шүтэн бишрэгчдэд нэгэн өдрийг хамтдаа өнгөрүүлэх боломжийг олгохоос гадна Солонгосын шүтэн бишрэгчдэд Монголын соёлыг мэдрэх, илүү нягт холбоо тогтоох боломжийг олгох явдал аж.

Жонгванжангийн багийн албан тушаалтан хэлэхдээ, “Энэхүү арга хэмжээ нь Солонгост амьдарч буй монголчуудад спортоор дамжуулан нэгдэх, солонгос соёлыг мэдрэх, орон нутгийн иргэдтэй нөхөрлөх боломжийг олгосноороо ач холбогдолтой юм” гэж хэлэв. Тэрбээр “Жонгванжан нь спортоор дамжуулан эрүүл мэндийн компанийн үүргээсээ давж, хоёр улсын хооронд хувийн гүүр болж үйлчилсээр байх болно” гэж нэмж хэлэв.