Хятадын компанийн сугалаанаас ажилтан 365 хоногийн цалинтай амралт хожжээ

Хятадад болсон нэгэн компанийн арга хэмжээний үеэр хамгийн их сонирхол татсан шагнал нь бэлэн мөнгө, үнэтэй төхөөрөмж бус харин амралтын хугацаа байв. Сугалааны үеэр азтай нэг ажилтан бүтэн 365 хоногийн бүрэн цалинтай амралт хожсон нь олны анхаарлыг татжээ.

Уг үйл явдлын бичлэг Хятадын богино хэмжээний видео платформ болох Douyin-д нийтлэгдсэний дараа цахим орчинд богино хугацаанд өргөн тархаж, хэрэглэгчдийн дунд идэвхтэй хэлэлцүүлэг өрнүүлсэн байна.

Компанийн зүгээс уламжлалт шагнал болох мөнгө, электрон төхөөрөмжийн оронд амралтын хугацааг гол шагнал болгосон нь онцгой шийдэл байлаа. Энэ нь урт цагаар ажиллах соёл түгээмэл байдаг ажлын орчинд ажилчдын ажил, амьдралын тэнцвэр ямар үнэ цэнтэй болохыг харуулсан дохио хэмээн олон хүн үнэлжээ.

Сошиал хэрэглэгчид ч уг шагналыг “хамгийн хүсэмжит урамшуулал” хэмээн тодорхойлж, зарим нь “мөнгө, эд зүйлсээс илүүтэйгээр амрах боломж хамгийн үнэ цэнтэй” хэмээн сэтгэгдлээ илэрхийлсэн байна.

 

Эх сурвалж: Reddit