АНУ болон Израилийн гал зогсоох саналыг Иран няцаажээ

Ираны шинэ Дээд удирдагч Аятолла Можтаба Хаменеи АНУ болон Израилийн гал зогсоох саналыг няцаажээ.

Ройтерс агентлагийн мэдээлснээр, Можтаба Хаменеи гал зогсоох саналыг няцааж, "АНУ болон Израил эхлээд өвдөг сөгдөх ёстой" гэж мэдэгджээ.

Можтаба Хаменеи албан тушаалаа авснаас хойшхи анхны гадаад бодлогын уулзалтынхаа үеэр АНУ болон Израилийн эсрэг хариу арга хэмжээ авахаар хатуу шийдэмгий байгаагаа илэрхийлсэн гэж мэдээлж байна.

Гэсэн хэдий ч тэрээр уулзалтад биечлэн эсвэл онлайнаар оролцсон эсэх нь батлагдаагүй байна.

Хэвлэл мэдээллийн хэрэгслүүдийн мэдээлснээр, Ираны өндөр албан тушаалтан нэрээ нууцлахыг хүсэн "Дээд удирдагч АНУ болон Израил өвдөг сөгдөж, ялагдлаа хүлээн зөвшөөрч, зохих нөхөн төлбөрийг төлөх хүртэл энх тайвны талаар хэлэлцэх цаг биш гэж мэдэгдсэн" гэж онцолсон байна.