Солонгосын "хар тамхины том толгойлогч" Пак Ван Ёлын хэрэг өргөн хүрээтэй шалгагдаж байна

Филиппинд ял эдэлж байгаад Солонгост түр хугацаагар шилжүүлэгдэн ирсэн "хар тамхины том толгойлогч" Пак Ван Ёл (48) нь оюуны хөгжлийн бэрхшээлтэй хүмүүс гэх мэт эмзэг бүлгийн хүмүүсийг их хэмжээний метамфетаминыг (хүний биед маш хортой мансууруулах бодис) Солонгос руу оруулахын тулд шуудан зөөгч болгон ашиглаж гэмт хэрэг үйлдсэн нь тогтоогдоод байна. Бид уг этгээдийн талаар https://www.dobu.mn/news/6585 мэдээлэл хүргэж байсан билээ.

Донг-А Ильбо сонинд мэдээлснээр, Пак Ван Ёл нь оюуны хөгжлийн бэрхшээлтэй А гэгч эрд метамфетаминыг тээвэрлэхийн тулд мөнгө төлсөн ба А нь Филиппинээс Солонгос руу мансууруулах бодис оруулж ирсэн хэргээр шүүх хуралд оролцож, өнгөрсөн долдугаар сард долоон жилийн хорих ял оноожээ.

А нь 2024 оны зургадугаар сард Филиппин рүү явж, ойролцоогоор 1,480 грамм метамфетамин хүлээн авсан байна. Энэ хэмжээ нь 49,000 орчим хүнд нэгэн зэрэг хэрэглэхэд хангалттай хэмжээ бөгөөд ойролцоогоор 148 сая вон гэж үнэлэгдэж байна.

А нь Солонгос руу орж, Инчоны олон улсын нисэх онгоцны буудал дээр өөр хүнд мансууруулах бодисоо дамжуулж, хариуд нь 2 сая орчим вон авсан нь тогтоогджээ.

А-г цэргийн албанд тэнцэхгүй гэж үзээд, "оюун ухааны коэффициент" (IQ) нь 50 орчим гэсэн хөнгөн хэлбэрийн оюуны хомсдол, дасан зохицох эмгэгтэй гэж оношлогдсоны дараа цэргийн албанаас халагдсан болохыг баталсан байна. Нийт IQ нь танин мэдэхүйн ерөнхий үйл ажиллагааг илэрхийлдэг үзүүлэлт юм. Дундаж нь 100 оноо бөгөөд 50-69 оноог хөнгөн хэлбэрийн оюуны хомсдол гэж ангилдаг байна.

Шүүх мөн тэд энгийн тээвэрлэлтээс илүүтэйгээр түгээлтийн сүлжээгээ гадаадад өргөжүүлэхийг оролдсон шинж тэмдгүүдийг онцолжээ.

Филиппинийг бааз болгон ашиглан Африк, Австрали, Мьянмар руу мансууруулах бодис илгээх байжээ. Үүний зэрэгцээ, Пак Ван-Ёл 2016 онд гурван Солонгос иргэнийг хөнөөсөн "Чихрийн нишингийн талбайн аллагын хэрэг"-ийн хэргээр Филиппиний шүүхээс 2022 оны 4-р сард шоронд хоригдох ял эдэлж байгаад хоёр уилсын хэлэлцээрийн дагуу Солонгост түр хугацаагаар шилжүүлэн авч ирээд байгаа билээ.

Түүнийг 2024 оны 6-р сард Филиппинээс 1.5 кг метамфетаминыг хамтрагчдаа кофены уутанд нуун тус улсад авчрахыг зааварчилсан, мөн оны 7-р сард гадаадын иргэнд Өмнөд Африкаас 3.1 кг метамфетамин агуулсан чемоданыг хамтрагчдаа хүргэж өгч, Гимхэ нисэх онгоцны буудал руу хууль бусаар оруулж ирсэн гэж буруутгаж байна. Тэрбээр мөн 2019 оны 11-р сараас 2020 оны хооронд Сөүл, Пусан, Дэгү хотуудад мансууруулах бодис тараахыг гэр бүлийн хамтрагчдаа зааварчилсан гэж буруутгагдаж байна.

Өнөөдрийг хүртэл батлагдсан тархалтын хэмжээ нь ойролцоогоор 4.9 кг метамфетамин, 4500 гаруй экстази эм, 2 кг орчим кетамин, 19 ширхэг LSD эм, 3.99 гр марихуан бөгөөд зах зээлийн үнэлгээ нь 3 тэрбум вон болох аж.