Трамп: АНУ-ын цэргүүд Иранаас 2-3 долоо хоногийн дотор гарна

АНУ-ын Ерөнхийлөгч Дональд Трамп Ираны эсрэг цэргийн ажиллагаа "маш удахгүй" дуусна гэж мэдэгдэж, "хоёроос гурван долоо хоногийн дотор" гэж дурджээ.

Цагаан ордонд болсон гүйцэтгэх захирамжид гарын үсэг зурах ёслолын үеэр сэтгүүлчид АНУ-д огцом өсч буй бензиний үнийг бууруулах арга хэмжээний талаар асуухад Ерөнхийлөгч Трамп "Бид Иранаас гарах л хэрэгтэй. Бид маш удахгүй гарна" гэж хэлээд "Тэгвэл газрын тосны үнэ огцом унана" гэж нэмж хэлэв. 

АНУ-ын бензиний дундаж үнэ галлон тутамд 4 ам.доллароос давсан нь 2022 оны 8-р сард Украины дайны улмаас эрчим хүчний зах зээл доргисон үеэс хойших хамгийн өндөр түвшин юм.